बाँके, २० माघ ।
वीरेन्द्रनगर–६ बस्ने बर्ष ३८ का गणेश भण्डारी लागुऔषध सहित बाँकेबाट पक्राउ परेका छन् । जिल्ला प्रहरी कार्यालय बाँके र लागू औषध नियन्त्रण व्यूरो नेपालगंञ्जबाट खटिएको प्रहरी टोलीले उनी सहित ३ जनालाई पक्राउ गरेको छ ।

बाँके नेपालगंज उपमहानगर–७ गगनगंज बस्ने आदित्य श्रेष्ठको घरमा लागू औषध ब्राउन सुगर ल्याई बेचबिखन भईरहेको भन्ने गोप्य सूचनाको आधारमा प्रहरी कार्यालय नेपालगंज र लागू औषध नियन्त्रण ब्युरो नेपालगंजबाट खटिएको प्रहरी टोलिले घर कोठा खानतलासी गरेको थियो ।

खानतलासी गर्दा नेपालगंज उपमहानगर–७ गगनगंज बस्ने बर्ष २८ को आदित्य श्रेष्ठको साथबाट ३० ग्राम ब्राउन सुगर जस्तो पदार्थ, तौल गर्ने तराजु र नगद दश हजार बरामद भएको प्रहरीले जानकारी दिएको छ । त्यसैगरी सोहीकोठामा निजसंग संगै रहेका सोही स्थान बस्ने बर्ष २६ को अंकित श्रेष्ठ र सुर्खेत वीरेन्द्रनगर–६ बस्ने बर्ष ३८ का गणेश भण्डारीको साथबाट एक लाख चौतिस हजारसहित फेला पारी निजहरुलाई नियन्त्रणमा लिई आवश्यक अनुसन्धान अघि बढाईएको जनाइएको छ ।