रूकुम पश्चिम,२ पाैष ।
नेपाल पत्रकार महासंघ रूकुम शाखाको ७ औं साधारणसभा मुसीकोट खलंगामा सम्पन्न भएको छ । शाखा अध्यक्ष लक्ष्मण केसीको अध्यक्षता र कर्णाली प्रदेशसभा सदस्य महेन्द्र केसीको प्रमुख आतिथ्यतामा महासंघ रुकुमको साधारणासभा सम्पन्न भएको हो ।
साधारणसभा उद्घाटनमा बोल्दै प्रदेश सांसद केसीले पत्रकारिता क्षेत्र समाज विकासको महत्वपुर्ण अंग भएको बताउँदै उनले पत्रकारहरूले थप मेहनत गर्नु पर्नेमा जोड दिए ।
कार्यक्रममा नेपाल पत्रकार महासंघ रूकुमका संस्थापकहरू, पूर्वपदाधिकारीहरू, शाखालाई विभिन्न तरहले सहयोग गर्ने निकाय एवम् प्रतिनिधि तथा गोरखापत्रकर्मी राजु लामिछाने, आहा सञ्चार साप्ताहिकका सम्पादक मेगराज खड्का, नेपाल टेलिभिजनकर्मी अमरराज पुन र कान्तिपुरकर्मी महेश केसीलाई क्रियाशील पत्रकारिता पुरस्कार २०७९ बाट सम्मान गरिएको छ ।
कान्तिपुर
युग संवाददाता । । २ पुष २०७९, शनिबार १७:१९