सुर्खेत। नेपाल राष्ट्र बैंक प्रदेश कार्यालय सुर्खेतले आफ्नो वार्षिकोत्सव मनाएको छ । बिहीबार बैंकको ६८ औँ वार्षिकोत्सवको अवसरमा राष्ट्र बैंक सुर्खेतको आयोजनामा प्रभातफेरी कार्यक्रमको आयोजना गरिएको थियो । वित्तीय साक्षरता झल्किने नाराहरुसहित आयोजना भएको प्रभातफेरीमा सुर्खेत जिल्लास्थित बैंक तथा वित्तीय संस्थाहरुको सहभागिता रहेको थियो ।

उक्त प्रभातफेरी राष्ट्र बैंकको सुर्खेत कार्यालयबाट सुरु भई क्याम्पस रोड, मंगलगढी, एरीचोक, वीरेन्द्रचोक, बुद्धपथ, घण्टाघर, कालिञ्चोक हुँदै कार्यालयमा पुगेर सभामा परिणत भएको थियो । प्रभातफेरी पश्चात आयोजना भएको सभालाई सम्बोधन गर्दै कार्यालय प्रमुख बाबुराम कोइरालाले वार्षिकोत्सवमा सहभागीहरुलाई धन्यवाद ज्ञापन गरेका थिए ।