सुर्खेतको सिम्ता गाउँपालिकाले वडाका विभिन्न क्षेत्रहरुको लागि खेलकुद सामग्री वितरण गरेको छ । नौ वटै वडामा नेट, भलिबल र अन्य खेलकुदका सामग्री वितरण गरिएको प्रवक्ता यमराज शर्माले जानकारी दिए ।

वडा र ग्रामीण क्षेत्रमा खेल सामग्री अभावले खेल खेल कठिनाइ भएको गुनासो आए पछि यस्तो काम गरिएको गाउँपालिका अध्यक्ष ऐन वहादुर चन्दले बताए ।

खेलकुद विकास समिति सिम्ता गाउँपालिका ,सुर्खेतले विभिन्न खेलकुद सामाग्री वितरण गरेको छ । सबै वडाअध्यक्षहरु मार्फत विभिन्न टोलटोलमा पुग्ने गरि वितरण गरिएको समितिका सभापति तथा अध्यक्ष बिरेन्द्र सिंह ठकुरीले जनाए ।

उक्त खेलकुद सामग्री सबै क्षेत्र वडा अध्यक्षहरु मार्फत पुग्ने गरि हस्तान्तरण गरिएको छ । साथै सोमवार नै नेपाल डोरि तान संघ सिम्ता जगत महताराको अध्यक्षतामा १३ सदस्यीय समिति गठन समेत गरिएको छ ।