कालिकोट जिल्लाको खाडाचक्र नगरपालिका–२ नयाँ बजार नजिकै काक्रेविहार यातायात प्रालिको (हाइस) दुर्घटना हुदा तीन जना घाइते भएका छन् ।

कर्णाली राजमार्ग सडकखण्ड अन्तर्गत शनिबार दिउँसो अन्दाजी २ वजेर ५० मिनेटमा दुर्घटना भएको हो । कर्णाली प्रदेश ०२-००१ ख ०७२१ नम्बरको हाइस जुम्लादेखि सुर्खेतसम्मका लागि छुटेको थियो । दुईजना सामान्य घाइते भएका छन् । भने एक जना गम्भीर घाइते भएको जिल्ला प्रहरी कार्यालय कालिकोटका प्रमुख अर्जुन केसीले बताए ।

घाइते हुनेमा दैलेख जिल्ला दुल्लु नगरपालिका –३ का वर्ष २५का तिलक थापा,दैलेख जिल्ला भैरवी गाउँ पालिका – ४ वर्षका २३ खगेन्द्र थापा रहेका छन् । गम्भीर अन्दाजी वर्ष १३ का मिस्कल शाही हुन् ।

उनको कर्णाली प्रदेशको प्रादेशिक अस्पताल कालागाँउमा रिफर गरिएको छ । उनिहरुको अवस्था मध्यम रहेको प्रहरी निरिक्षक पोषण थापाले बताए ।

उक्त हाइसमा १८ जना सवार थिए । दिउँसो ३ वजे दुर्घटना भएको खवर हुनेबित्तिकै प्रहरीले पुगेर उद्वार गरेको थियो ।अरु सबै सकुशल रहेको जिल्ला प्रहरी कार्यालय कालिकोटले जनाएको छ ।