नक्कली पेस्तोल देखाई सर्वसाधरणलाई धम्क्याउने एक जना पक्राउ परेका छन् । पक्राउ पर्नेमा दैलेख भगवतीमाई गाउँपालिका २ बस्ने १९ वर्षिय निश्चल चन्द रहेका छन् ।

सुर्खेत वीरेन्द्रनगर नगरपालिका ६ शनिहल लाईन एरियामा चन्दले नक्कली पेस्तोल देखाई सर्व साधरणलाई त्रसित बनाई शान्ति सुरक्षामा खलल पार्ने कार्य गरेको गरिरहेको भन्ने सूचनाका आधारमा खोजतलास गरिएको थियो । उक्क्त सूचनाका आधारमा सुर्खेत कार्यालयबाट सादा पोसाकमा खटिएको प्रहरी टोली उक्त स्थानमा पुग्दा निश्चल चन्दलाई नक्कली पेस्तोल सहित फेला पारेको हो ।

चन्दलाई नक्कली पेस्तोल देखाई सर्व साधरणलाई त्रसित बनाई समाजमा अशान्ति फैलाउनु हुँदैन भनि सम्झाई बुझाई गर्दा उल्टै प्रहरी टोलीसंग वादविवाद तथा झै(झगडा गरेका थिए ।

उनलाई प्रहरीले सोही स्थानमा पक्राउ गरि सुर्खेत कार्यालयमा ल्याई अभद्र व्यवहार मुद्दा दर्ता गरी अनुसन्धान भईरहेको सुर्खेत प्रहरी कार्यालयले जानकारी दिएको छ।