नेपालगन्जमा एक जनाको हत्या भएको छ । नेपालगन्ज उपमहानगरपालिका वडा नम्बर ११ निवासी ३८ वर्षीय इरसद राई (कबाडिया) को शुक्रबार राती करिव १०ः३० बजेतिर हत्या गरेको जिल्ला प्रहरी कार्यालय बाँकेले जनाएको छ ।

बाँकेका प्रवक्ता एवम् प्रहरी नायव उपरीक्षक (डिएसपी) नारायण डाँगीका अनुसार धारिलो हतियार प्रहार गरी उनको एक अज्ञात समुहले हत्या गरेको हो ।

हत्या गर्ने समुहको पहिचान नभए र उक्त समुहले प्रयोग गरेको मोटरसाईकल फेला परेको डिएसपी डाँगीले बताए ।

‘हत्या गर्ने ब्यक्तिको पहिचान भएको छैन, तर हामीले एउटा मोटरसाईकल फेला पारेका छौं, सोही आधारबाट हामी हत्यारा पक्राउ गर्न नजिक पुगिसकेका छौं,’ उनले भने ।

प्रहरीको प्रारम्भिक अनुसन्धानबाट लागु औषध दुब्र्यशनीकर्ताबीच आपसमा विवाद भएको थियो । विवाद मिलाउन खोजेका राईको नै हत्या भएको बुझिएको छ । गम्भिर घाईते भएका राईलाई तत्कालै भेरी अस्पतालमा लगिएको थियो ।

अस्पतालमा उपचारकै क्रममा उनको मृत्यु भएको प्रहरीले बताएको छ । घटनाको अनुसन्धान भइरहेको जिल्ला प्रहरी कार्यालय बाँकेले जनाएको छ ।