हुम्लाको सिमकोट गाउँपालिका–२ ठेहे गाउँ नजिक पैरापोरी भन्ने स्थानमा बुधवार विहान साढे १० बजे ट्याक्टर दुर्घटना हुँदा दुईजना घाइते भएको छ ।
कर्णाली प्रदेश ०२००१ त ०३५२ नम्बरको ट्याक्टर ट्रनिङ्ग नपुगेर चिप्लीएर सडक भन्दा पचास मिटर भन्दा तल खसेको छ ।
सदरमुकाम सिमकोटदेखि चामल लिएर गएको ट्याक्टर दुर्घटना हुँदा चालक सिमकोट गाउँपालिका–६ माथिल्लोगाउँका २७ वर्षिय धनबहादुर सुनार उहाँका सहयोगी (सहचाल) सिमकोट गाउँपालिका–२ ठेहे गाउँका प्रिती सुनार घाइते भएकोजिल्ला प्रहरी कार्यालय हुम्लाका प्रहरी निरिक्षक नरेन्द्र चन्दले बताए ।
घाइते दुबै जनालाई अहिले जिल्ला अस्पताल हुम्लामापुर्याएर उपचार भइरहेको प्रहरी निरीक्षक चन्दले बताए ।
चालक सुनारको घातीको भित्री भागमा र सहयोगी प्रितीको ढाड, टाउको र दाहिने हातको बुढी औला र चोरी औलामा चोट लागेको छ ।
युग संवाददाता । हुम्ला । १६ श्रावण २०८१, बुधबार १४:५०