सल्यानमा एक वृद्ध मृत अवस्थामा भेटिएका छन । दार्मा गाउँपालिका–६ पोखरीडाँडा बस्ने ६५ वर्षीय परशु खत्री मृत अवस्थामा भेटिएका हुन् ।

शुक्रबार राति घरबाट निस्केका खत्री घरदेखि एक किलोमिटर पूर्व दक्षिण तिरको बाटोको छेवैमा मृत अवस्थामा भेटिएका जिल्ला प्रहरी कार्यालय सल्यानका सुचना अधिकारी प्रहरी निरीक्षक रेसमबहादुर खत्रीले बताए ।

मृत अवस्थामा भेटिएका खत्रीको लडेर मृत्यु भएको जस्तो देखिएको उनको भनाइ छ । उनका अनुसार मृत्यु भएका खत्रीको जिल्ला अस्पताल सल्यानमा पोष्टमार्टम गरी दाहसंस्कारका लागि आफन्तलाई जिम्मा लगाइएको छ ।