सल्यान, ११ पुस ।

छत्रेस्वरी गाउँपालिका ५ लेखपोखरामा करेन्ट लागेर बसका सहचालकको मृत्यु भएको छ । मृत्यु हुनेमा दाङको दंगिसरन गाउँपालिका ३ घर भएका वर्ष २१ का ना ६ ख २९६२ नम्बरको बसका सहचालक राजेश डाँगी छन् ।

दाङको तुलसीपुरबाट रोल्पाको दहखोला जाँदै गरेको बसको छतबाट सामान निकाल्ने क्रममा मेनलाइनको तार छुँदा डाँगीलाई करेन्ट लागेको हो । करेन्ट लागेका उनको घटनास्थलमै मृत्यु भएको जिल्ला प्रहरी कार्यालय सल्यानका प्रहरी प्रवक्ता प्रहरी निरीक्षक लक्ष्मण ओलीले बताए । शव पोस्टमार्टमका लागि जिल्ला अस्पताल सल्यान ल्याइएको उनले बताए । बसमा सवार अन्यलाई केही भएको छैन ।