“सल्याना नाबालक छोरा सहित माइतीघरमा सुतेकी महिलामाथि मध्यरातमा सामूहिक बलात्कार गर्ने दुई जना पक्राउ परेका छन् ।

सल्यानमा नाबालक छोरा सहितकी एक महिलालाई सामूहिक बलात्कार गर्ने मध्येका दुई जना पक्राउ परेका छन् । अर्का एक जना फरार छन् । जिल्लाको बनगाड कुपिण्डे नगरपालिका वडा नं. १ बुरेली स्थित माइतीघरमा सुतेकी २३ वर्षीय महिलामाथि सामूहिक बलात्कार भएको प्रहरीले जनाएको छ ।

गत असार ३१ गते राति १२ बजेतिर तीन जना व्यक्तिहरु महिलाको माइतीघरमा जवर्जस्ती प्रवेश गरेर घिसार्दै घरवाहिर बार्दलीमा ल्याएर बलात्कार गरेको सल्यान प्रहरीले जनाएको छ ।

जवर्जस्ती करणीको आरोपमा बनगाड कुपिण्डे नगरपालिका, १ देवस्थल बस्ने वर्ष २१ को वसन्त बुढा र जाजरकोटको जुनीचाँदे ८ घर भई हाल वनगाडको देवस्थल बस्ने वर्ष २४ को मान बहादुर रावतलाई पक्राउ गरिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिए । थप एक जना घटनामा संलग्न मुख्य आरोपित भने फरार रहेको जिल्ला प्रहरी कार्यालय सल्यानले जनाएको छ । उनको व्यापक खोजि भैरहको जनाएको छ ।