कर्णाली करिडोरको खुलालु–हिल्सा सडक खण्डअन्तर्गत बाजुराको भुका खोलामा मोटरसाइकल दुर्घटना हुँदा एक युवकको मृत्यु भएको छ, भने एक घाइते भएका छन् ।

कालीकोटबाट जगन्नाथ–४ का जडीबुडी व्यापारी खड्क भण्डारीलाई पुर्याउन गएका सान्नीत्रिवेणी–८ मुम्राका २७ वर्षीय खेमराज बुढाको मोटरसाइकल दुर्घटना हुँदा बिहीबार घटनास्थलमै मृत्यु भएको हो । घटनास्थल कालीकोट र बाजुराको सिमाना नजिकै पर्छ ।

कर्णाली प्रदेश ०२००१ प ४१ नम्बरको मोटरसाइकल अनियन्त्रित भइ भुका खोलामा दुर्घटना हुँदा चालक बुढाको भीरबाट खसेर घटनास्थलमै मृत्यु भएको छ भने पछाडी सवार भण्डारी र मोटरसाइकल सडकमै अड्किएको कालीकोटका प्रहरी प्रमुख टेकबहादुर रावतले बताए ।